Кәсіподақ ұйымы — береке мен бірлік шаңырағы

10 — қазан   Кәсіподақтар күні. Атаулы дата Үкіметтің биылғы 22 мамырдағы №303 қаулысына сәйкес тұңғыш рет  атап өтілді.

Тұңғыш Президент Елбасы Нұрсұлтан Назарбаев «Қазақстанның кәсіподақтары – тұрақтылықтың тірегі, әлеуметтік-еңбек қатынастарының базалық элементі» деп кәсіподақтар қызметін жоғары бағалаған болатын. Еліміздегі Кәсіподақтар федерациясы – жұмыс берушілер мен еңбеккерлер арасында басты медиатор, қоғамдағы ірі және қуатты азаматтық институттардың бірі. Ұйымның қызметі қызметкерлердің құқығы мен мүддесін қорғауға, өндіріс шарттарын жақсартуға, еңбек дауларын реттеуге бағытталған.

Алғаш рет аталып өткен Кәсіподақ күніне орай Баянауыл аудандық  білім саласы қызметкерлерінің бастауыш кәсіподақ ұйымдарының төраға, төрайымдары  арасында Ш.Айманов атындағы жалпы орта білім беру мектеп-интернатының спорт залында«Толағай» спорттық сайысы өткізілді. Аудандық білім саласы қызметкерлерінің кәсіподақ ұйымының төрайымы А.Ж.Ныгметова құттықтау сөз жылы лебізін білдіріп, қатысушыларға сәттілік тіледі.

Біздің кәсіподақтардың басты мұраты, негізгі мақсат-мүддесі бұл — еңбек ұжымдарындағы тұрақтылықты сақтау, жалпы жұмысшы мен жұмыс берушінің арасындағы алтын көпір ретінде өз функциясын орындау болып табылады.

Мақсаты: Салауатты өмір салтын насихаттау,   спортқа деген  қызығушылықтарын арттыру. Кәсіподақ ұйымдарының төраға мен төрайымдары арасындағы қарым — қатынасты нығайту, салауатты өмір салтын ұстану.

І кезең«Таныстыру» (топтың атауы, эмблемасы, ұраны)

ІІ кезең: «Кім жылдам?»

ІІІ кезең: «Білімді кенгуру»

IVкезең: «Кім көп секіреді»

IVкезең : «Арқан тарту»

Сайысқа «Тұлпар», «Бейбарыс» «Қыран»,   командалары қатысты.

Әділ қазылар алқасының шешімі бойынша.

1-орын: «Қыран» тобына ( М.Көпеев, Ж.Аймауытов, Д.Рахметов,  Қ.Сәтбаев , Үшқұлын , Баянауыл бөбектер бақшасы)

2-орын: «Тұлпар» тобына ( №1 Майқайың, Ш.Айманов, №2 Майқайың, Жайма, Шадыра ).

3- орын: «Бейбарыс» тобына ( Егіндібұлақ, Ақши, Шөптікөл, С.Торайғыр,Лекер, Майқайың Музыка мектебі).

Спорттық сайыс өте тартысты өтті. Барлық  командалар дипломмен және ақшалай сыйлықпен марапатталды.

 

  Ш.Айманов атындағы ЖОББМ — интернатының

бастауыш кәсіподақ ұйымының төрайымы

Айнагүл Қалымбекқызы Жусупбаева.