2024 жылдың 30 сәуір күні Баянауыл ауданының Ш. Айманов атындағы жалпы орта білім беру мектеп-интернатының мәжіліс залында Баянауыл аудандық білім беру қызметкерлері кәсіподағының XVIII есеп беру-сайлау конференциясы өткізілді. Конференцияға 64 делегаттың 56-сы қатысты. 8 делегат дәлелді себептермен қатыспады.
«Білім және ғылым қызметкерлерінің Қазақстандық салалық кәсіподағының Павлодар облыстық ұйымы» ҚБ төрағасы Г.А. Науразбаева, Баянауыл «AMANAT» партиясының атқарушы хатшысы К.Х. Шалбаев, Баянауыл білім беру бөлімінің басшысы М.Т. Абдыкаримов, Павлодар облыстық кәсіподақ ұйымының бас есепшісі Ж.Д. Қабдығали, ардагер ұстаз Н.М. Маликова, ардагер К.Б. Асылбеков қатысты.
Есеп беру кезеңінде төраға А.Ж.Ныгметова, тексеру комиссиясының мүшесі Л.Ж.Досова баяндама жасап, 2019-2023 жылдар аралығында атқарылған жұмыстар туралы есеп берді.
Жарыс сөзде «Ұжымдық шарттың орындалуы» тақырыбында Ж.Мұса атындағы балалар өнер мектебі директорының оқу-ісі жөніндегі орынбасары Г.К.Омарова, «Қауіпсіздікті сақтаймыз!» тақырыбында М.Әуезов атындағы жалпы орта білім беру мектебінің техникалық еңбек инспекторы Т.М.Суюенбеков, «Біздің кәсіподақ ұйымы» атты тақырыпта З.Ақышев атындағы жалпы орта білім беру мектебінің бастауыш кәсіподақ ұйымының төрағасы Н.Б.Мергалиева баяндамалар жасады.
Конференцияда білім бөлімінің басшысы М.Т.Абдыкаримов сөз сөйлеп, кәсіподақ қызметі әлеуметтік әріптестіктің тығыз байланыста болатындығының маңызды рөліне тоқталды. Ардагер ұстаз Н.М.Маликова сөз сөйлеп, педагог қызметкерлерге шығармашылық табыс, кәсіподақ жұмысына сәттілік тілеп, ыстық лебізін білдірді.
XVIII есептік сайланбалы кәсіподақ конференциясында «Баянауыл аудандық білім қызметкерлерінің кәсіподақ ұйымы» ҚБ филиалы кеңесінің жұмысы қанағаттанарлық деп бағаланды.
Конференция делагаттарын «Білім және ғылым қызметкерлерінің Қазақстандық салалық кәсіподағының Павлодар облыстық ұйымы» ҚБ төрағасы Г.А. Науразбаева құттықтап, өз сөзінде «Білім және ғылым ғылым қызметкерлерінің Қазақстандық салалық кәсіподағының маңызды міндеттері мен бағыттарын атап өтті.
«Білім және ғылым ғылым қызметкерлерінің Қазақстандық салалық кәсіподағының Павлодар облыстық ұйымы» ҚБ төрағасы Г.А.Науразбаева кәсіподақ мүшелерін ҚР Кәсіподақтар Федерациясының Құрмет грамоталарымен, «Білім және ғылым қызметкерлерінің Қазақстандық салалық кәсіподағының Павлодар облыстық ұйымы» ҚБ Құрмет грамоталарымен, Алғыс Хаттармен марапаттады.
Білім беру қызметкерлерінің кәсіподақ конференциясы мараптаттау рәсімімен аяқталды.
Конференцияға қатысушы делегаттарға №2 Майқайың жалпы орта білім беру мектебінің музыка пәні мұғалімі Ж.Т.Маукенованың орындауында халық әні – «Ақтамақ» әнімен ән шашу тарту етілді.
Kazakh
Russian