«Қазақстандық салалық білім және ғылым қызметкерлері кәсіптік одағының Павлодар облыстық ұйымы» қоғамдық бірлестігі атынан Сізді 60 жылдық мерейтойыңызбен шын жүректен құттықтаймын!
Еңбек ұжымыңыз Сізді өмір жолын бүтіндей адал жүрегімен қызмет еткен абзал азаматша ретінде таныса, жұртшылық Сізді үлкенге құрмет, кішіге ізет көрсететін, жүрегіңізбен жүгіне білетін кішіпейіл, ізгі адамгершілікті зиялы тұлға ретінде таниды.
Білім беру саласындағы қажырлы еңбегіңіз бен өмір жолыңыздың ерекшелігі әр жанға үлгі болып, саналы өміріңіздегі жемісті қызметіңіздің арқасында Сізді зор қошеметке бөлеуде.
Колледж ұжымы Сізді кәсіподақ көшбасшысы ретінде бір ауыздан сайлап, үлкен сенім білдірді. Сол сенімді көп жылдан бері ақтап, әріптестеріңіздің құқығын және мүддесін қорғау жолында бар белсенділікті таныттыңыз.
Осы қуанышты сәтте отбасыңыздан береке-бірлік, басыңыздан бақ-дәулет таймай, ұзақ өмір, зор денсаулық тілеймін! Әрдайым жүзіңіз нұрға, өміріңіз жырға толып, шаттық-қуанышыңыз мол болсын!
«Қазақстандық салалық білім және ғылым қызметкерлері кәсіптік
одағының Павлодар облыстық ұйымы» ҚБ төрайымы
Г. А. Науразбаева
Kazakh
Russian