Маусым айының 22-сі күні «Қазақстандық салалық білім және ғылым қызметкерлері кәсіптік одағының Павлодар облыстық ұйымы» ҚБ ұйымдастыруымен өткізілген  «KASIPODAQжаSTAR» жобасының іріктеу кезеңінің жеңімпаздары  Бурабай курортық аймағында  алғашқы демалыс күндерін өткізді. Таза ауа аясындағы таңғы жаттығудан басталған күн танысу  сағаты мен «Бурабайдың ғажайып әлемі» маршруттық бағытына ұласты. Тур барысында жас педагогтер  Көкшетау, Үш қыз, Жұмбақтас, Оқжетпес таулары туралы аңыздарға қанық болып, Бөлек тауға шықты. Турдың соңғы бөлігі Абылайханның алаңында өтті. Жастар бірге естелік фото суретке түсіп, іштей тілек тіледі.

Облыстық білім беру саласы кәсіптік одағына қарасты  Жастар кеңесінің төрағасы Абильдинова А. Е.